පන්තියට එකතු වීමේ සිට,
ඔබට අවශ්‍ය සියලු පියවර.

ඔබට ගැළපෙන ගෙවීම් ක්‍රමය තෝරන්න

EPS-TOPIK පන්තිය සඳහා පහත ගෙවීම් ආකාර තුනෙන් එකක් තෝරාගත හැකිය.

Online Transfer, ATM Deposit හෝ Bank Deposit මඟින් ගෙවා slip එක ඉදිරිපත් කරන්න. Credit / Debit Card ගෙවීම් තවමත් සක්‍රීය කර නැත.

ගෙවිය යුතු බැංකු ගිණුම්

පහත දැක්වෙන්නේ අපගේ දැනට සක්‍රීය ගිණුම්ය. ගෙවීමට පෙර Registration හෝ Payments form එකේ පෙන්වන මුදල සහ බැංකු විස්තර ද පරීක්ෂා කරන්න.

ලියාපදිංචිය සහ පළමු ගෙවීම

1. EPS-TOPIK පිටුවෙන් Open EPS-TOPIK Portal තෝරන්න. ඉන්පසු New Registration විවෘත කරන්න.
2. සම්පූර්ණ නම, mobile number, WhatsApp number, email address සහ නගරය ඇතුළත් කරන්න. අංක දෙකම එකක් නම් Same as mobile සලකුණ යොදන්න.
3. අවම වශයෙන් අක්ෂර 10ක් සහිත password එකක් සාදා Confirm password තුළ නැවත ඇතුළත් කරන්න. Eye icon එකෙන් එය පෙන්විය හැකිය.
4. Payment plan සහ Course / batch තෝරන්න. මාසික හෝ වාරික ගෙවීමක් නම් පළමු ගෙවීමට අදාළ Starting month ද තෝරන්න. සම්පූර්ණ ගෙවීම හෝ වාරික 3 තෝරාගන්නේ නම් පොත් සහ සහතිකපත එවීමට අවශ්‍ය receiver name, ලිපිනය සහ දිස්ත්‍රික්කය ද මෙහිදී ඇතුළත් කරන්න.
5. පෙන්වන මුදල බැංකු ගිණුමට ගෙවා, එම ගිණුම Bank account paid to යටතේ තෝරන්න. පැහැදිලි payment slip එක upload කරන්න. JPG, PNG, WebP හෝ PDF ගොනුවක් භාවිතා කළ හැකිය; උපරිම ප්‍රමාණය 5 MB වේ.
6. විස්තර පරීක්ෂා කර Submit registration තෝරන්න. ලියාපදිංචිය සහ පළමු slip එක එකවර යැවේ. යැවෙන තුරු පිටුව වසා නොදමන්න.

Slip එකේ මුදල, දිනය සහ ගිණුම් විස්තර පැහැදිලිව පෙනිය යුතුය. යැවූ පසු ලැබෙන application reference එක සටහන් කරගන්න.

ගෙවීම තහවුරු වූ පසු

ඔබගේ slip එක ලැබුණු පසු එය අප විසින් පරීක්ෂා කර ගෙවීම තහවුරු කරනු ලැබේ. තහවුරු කරන තුරු Pending ලෙස පෙන්වයි. එම ගෙවීම නැවත යැවීම හෝ නැවත මුදල් ගෙවීම අවශ්‍ය නැත.

පළමු ගෙවීම තහවුරු වූ පසු ඔබගේ Student ID සහ Enrollment ID නිකුත් වේ. රිසිට්පත සහ පන්තියට සම්බන්ධ වීමට අවශ්‍ය Group Links ඔබගේ ලියාපදිංචි Email සහ WhatsApp අංකයට ලබාදෙනු ලැබේ.

Rejected ලෙස පෙන්වන්නේ නම් සඳහන් හේතුව කියවා නිවැරදි slip එක ඉදිරිපත් කරන්න. තොරතුරු පැහැදිලි නැත්නම් WhatsApp හරහා අප අමතන්න.

ඔබගේ Student Account එකට පිවිසෙන්න

Student Login විවෘත කරන්න. Username එක ලෙස ලියාපදිංචි වූ email address එකත්, password එක ලෙස ඔබ ලියාපදිංචියේදී සෑදූ password එකත් භාවිතා කරන්න.

• ඔබගේම දුරකථනය හෝ පරිගණකය නම් Remember me තෝරාගත හැකිය. වෙනත් අයගේ device එකක එය තෝරා නොගන්න.
• Password අමතක නම් Forgot password? තෝරා email උපදෙස් අනුගමනය කරන්න. Email එක නොපෙනේ නම් Spam / Junk folder එකත් බලන්න.
• ගිණුම තුළ ඔබගේ IDs, course, payment plan සහ ගෙවීම් තත්ත්වය බැලිය හැකිය. Password එක වෙනස් කිරීමට Change password භාවිතා කරන්න.

ඊළඟ මාසයේ හෝ වාරිකයේ ගෙවීම

1. Student Account එකට පිවිස Payments තෝරන්න.
2. අදාළ course / enrollment එක සහ ගෙවීමට අවශ්‍ය මාසය හෝ වාරිකය තෝරන්න. පෙන්වන ගෙවිය යුතු මුදල සහ ගෙවීම ආවරණය කරන කාලය පරීක්ෂා කරන්න.
3. බැංකු ගිණුමට ගෙවා එහි slip එක upload කර යවන්න. සෑම ගෙවීමක්ම තහවුරු වන්නේ අප පරීක්ෂා කිරීමෙන් පසුවය.

ගෙවූ මාසය Paid ලෙස පෙන්වයි. Slip එක පරීක්ෂා වෙමින් පවතී නම් Pending ලෙස පෙන්වයි. වෙනත් මාසයකට ගෙවීමක් කිරීමට අවශ්‍ය නම් එම මාසය dropdown එකෙන් තෝරන්න.

මාසික ගෙවීමේ සාමාන්‍ය කාලය පෙර මාසයේ 25 වැනිදා සිට අදාළ මාසයේ 10 වැනිදා දක්වාය. Form එකේ පෙන්වන දිනයන් සහ වලංගු කාලය අනුගමනය කරන්න.

10 වැනිදා වන විට අදාළ ගෙවීම තහවුරු වී නැත්නම් Email / App මඟින් මතක් කිරීමක් ලැබිය හැකිය. ගෙවා ඇත්නම් තත්ත්වය පරීක්ෂා කර අපට දන්වන්න. සම්පූර්ණ රු. 15,000 ගෙවූ සිසුන්ට තවත් පාඨමාලා ගාස්තු මතක් කිරීම් අවශ්‍ය නොවේ. මාසික සිසුන්ට පන්තිය අවසන් වන තෙක් හෝ පන්තියෙන් ඉවත් වන තෙක් මාසික ගෙවීම් අදාළ වේ.

රිසිට්පත් ගිණුමෙන් download කර තබාගන්න. පන්තියෙන් ඉවත් වන්නේ නම් අපට දන්වන්න; එවිට ඉදිරි ගෙවීම් මතක් කිරීම් නවතා ඔබගේ වාර්තාව යාවත්කාලීන කළ හැකිය.

පොත් ගෙදරටම ගෙන්වාගන්න

මාසික සිසුන්: පොත් අවශ්‍ය වූ විට Portal එකේ Book Order විවෘත කරන්න. Course / enrollment එක තෝරා receiver name, mobile / WhatsApp numbers, සම්පූර්ණ ලිපිනය, නගරය සහ දිස්ත්‍රික්කය ඇතුළත් කරන්න. Form එකේ දක්වන පොත් සහ delivery ගාස්තු ගෙවා slip එක ඉදිරිපත් කරන්න.

සම්පූර්ණ ගෙවීම හෝ වාරික 3 තෝරාගත් සිසුන්: පොත් සහ බෙදාහැරීම පැකේජයට ඇතුළත්ය. පළමු ගෙවීම තහවුරු වූ පසු පොත් යැවීමට අවශ්‍ය ලිපිනය නිවැරදිව ලබාදෙන්න; ඒ සඳහා නැවත පොත් ගාස්තුවක් ගෙවීම අවශ්‍ය නැත.

පොත් ගාස්තුවක් form එකේ පෙන්වන්නේ නැත්නම් ඔබම මුදලක් තීරණය කර ගෙවන්න එපා. WhatsApp හරහා අපෙන් විමසන්න.

පාඨමාලා සහතිකපත ලබාගන්න

Portal එකේ Request certificate විවෘත කර අදාළ course / enrollment එක තෝරන්න. සහතිකපතේ මුද්‍රණය විය යුතු නම සහ බෙදාහැරීමේ ලිපිනය ඉතා හොඳින් පරීක්ෂා කරන්න.

ඉල්ලීම කලින් ඉදිරිපත් කළ හැකි වුවත් සහතිකපත නිකුත් කිරීම පාඨමාලාව සම්පූර්ණ කිරීම සහ අපගේ තහවුරු කිරීම අනුව සිදු වේ.

• මාසික සිසුන්: Form එකේ දක්වන සහතික courier ගාස්තුව ගෙවා slip එක upload කරන්න. දැනට මෙම ගාස්තුව රු. 1,000 වේ; ගෙවීමට පෙර form එකේ දක්වන වත්මන් මුදල බලන්න.
• සම්පූර්ණ ගෙවීමේ සිසුන්: සහතිකපත එවීම පැකේජයට ඇතුළත්ය. නැවත ගෙවීමක් අවශ්‍ය නැත. ලියාපදිංචියේදී ඔබ ලබාදුන් delivery විස්තර අප සතුව ඇත. පාඨමාලාව අවසානයේ සහතිකපත සකස් කර එවීමට ඒවා භාවිතා කරයි. නම හෝ ලිපිනය වෙනස් වී ඇත්නම් අපට දන්වන්න.

නිකුත් කළ සහතිකපතෙහි QR code හෝ Certificate ID මඟින් එහි අනන්‍යතාවය පරීක්ෂා කළ හැකිය.

සහතිකපත හෝ රිසිට්පත පරීක්ෂා කරන්න

Verify Documents විවෘත කරන්න. පහත ක්‍රමවලින් පරීක්ෂා කළ හැකිය.

• Camera: Camera permission ලබාදී ලේඛනයේ QR code එක scan කරන්න.
• PDF upload: QR code එක ඇතුළත් receipt / certificate PDF එක තෝරන්න. PDF එකේ QR code එක කියවා අදාළ වාර්තාව විවෘත කරයි.
• ID / link: ලේඛනයේ ID එක හෝ verification link එක ඇතුළත් කරන්න.

පෙන්වන නිල වාර්තාවේ නම, පාඨමාලාව සහ අදාළ විස්තර ඔබගේ ලේඛනය සමඟ ගැළපේදැයි පරීක්ෂා කරන්න. QR code එකක් නොමැති PDF එකක් නම් ID එක භාවිතා කරන්න.

Certificate verification එකේ පෙන්වන්නේ අවසර ලබාදුන් සහතික විස්තරය. ඔබගේ delivery address සහ පෞද්ගලික සම්බන්ධතා විස්තර ප්‍රසිද්ධ සහතික පිටුවේ පෙන්වන්නේ නැත.

යම් පියවරකදී උදව් අවශ්‍යද?

ලියාපදිංචි වීමට හෝ slip එක යැවීමට අපහසු නම් WhatsApp හරහා අප අමතන්න. ඔබට එම පියවර සම්පූර්ණ කිරීමට හෝ අවශ්‍ය විස්තර පද්ධතියට ඇතුළත් කිරීමට අපට සහාය විය හැකිය. ඔබගේ password එක කිසිවෙකුට ලබාදෙන්න එපා.

ගෙවීමක් පිළිබඳව විමසන විට application reference, Student ID හෝ receipt number එක සඳහන් කළහොත් එය සොයාබැලීම පහසු වේ.

පාඨමාලාවෙන් ඉවත් වීමේ හේතුවක් මත Refund ඉල්ලිය හැක්කේ සම්පූර්ණ ගාස්තුව එකවර ගෙවා එම ගෙවීම තහවුරු වූ සිසුන්ට පමණි. මාසික හෝ වාරික 3ක ගෙවීම් මෙම පහසුකමට සුදුසු නොවේ. Refund ඉල්ලීම් අපගේ Refund Policy අනුව හේතු සහ අදාළ සාක්ෂි සලකා තීරණය කරනු ලැබේ. Refund එකක් ලැබීම ස්වයංක්‍රීයව සහතික නොවේ.